UFC эҳтимолий келишилган жанг ҳақида баёнот берди

"Кўпгина профессионал спорт ташкилотлари сингари, UFC ҳам турнирларимиздаги пул тикиш фаолиятини кузатиб борувчи мустақил пул тикиш хизмати билан ҳамкорлик қилади. Бизнинг пул тикиш яхлитлиги бўйича ҳамкоримиз IC360 ҳар бир UFC мусобақасидаги пул тикиш фаолиятини кузатиб боради ва улар ҳозирда 2 ноябрь куни бўлиб ўтган Дулгариан ҳамда Дель Валле жанги билан боғлиқ фактларни батафсил таҳлил қилмоқда.

Биз бу даъволарни жуда жиддий қабул қиламиз ва жангчиларимизнинг соғлиғи ва хавфсизлиги билан бир қаторда, спортимизда яхлитликдан муҳимроқ нарса йўқ", дейилади UFC баёнотида.

Ярим енгил вазн тоифасида ўтган жангда кубалик Ядиер Дель Валле америкалик Айзек Дулгарианни муддатидан олдин мағлуб этганди. Ядиер биринчи раунднинг тўртинчи дақиқасидаёқ Дулгарианни ортдан бўғиш усули билан мағлубиятга учратди.