Сербиядаги илк UFC турнирининг илк жанги эълон қилинди

Лига ушбу оқшомнинг дастлабки жангини эълон қилди. Бразилиялик Жонни Уокер оғир вазн тоифасидаги дебютини айнан 1 август куни Белграддаги турнирда хорватиялик Анте Делияга қарши жангда нишонлайди. 

Уч ҳафта олдин Жонни Уокер ҳакамларнинг айри қарори эвазига Доминик Рейесга ютқазиб қўйганди. Бу унинг сўнгги тўртта жангидаги учинчи мағлубияти бўлганди. Ҳозирда Уокер UFC ярим оғир вазн тоифаси рейтингида ўн учинчи ўринни эгаллаб турибди. 1 август куни оғир вазнда дебют қилади. 

Ўтган йилнинг сентябрь ойида Анте Делиа ташкилотдаги дебютини муваффақиятли ўтказганди. Ўшанда у биринчи раунддаёқ Марчин Тибурани нокаутга учратган, аммо кейин кетма-кет иккита жангда ютқазган эди. Аввалига Вальдо Кортес-Акоста томонидан нокаутга учратилган, кейин эса очколар ҳисобига кўра Сергей Спивакка енгилганди. У оғир вазн тоифаси рейтингида ўнинчи ўриндан жой олган.