Царукян — Махачев билан биринчи жанг ҳақида: "Балки ўша пайтда ғалаба қозонганимда, кибрга берилиб кетардим"

— Келинг, фаолиятингизда жиддий роль ўйнаган инсон ҳақида гаплашамиз. Бу — Ислам Махачев. У билан сиз биринчи марта UFC’да тўқнашгансиз. Ўша жангни ҳозир қандай эслайсиз, у сизга қандай муҳим сабоқ берган?

— Ҳа, муҳим сабоқлар... Энг муҳими — реванш олиб, ғалаба қозониш мотивациясини берди. Мана шу мен учун асосий сабоқ бўлди. Балки ўша пайтда ютганимда, ўзимга ишониб, кибрга берилиб кетиб, кейинги жангларни ютқазардим.

Мен ўшанда жуда иштиёқли эдим, кўп машқ қилардим. Январь ойида реванш бўлиши керак эди, лекин белимни жиддий жароҳатлаб олдим ва жангга чиқа олмадим. Энди кўрамиз, Махачев қанча давом этади.

Агар мен январь–февралда UFC чемпиони бўлсам, у эса 77 кг вазнда чемпионликни олса, эҳтимол, "супер-жанг" ҳам ташкил қилиш мумкин бўлар, – деди UFC енгил вазн тоифасидаги жангчи Арман Царукян.

Эслатиб ўтамиз, Царукян ва Ислам Махачев ўртасидаги жанг 2019 йил апрель ойида Санкт-Петербургдаги UFC турнирида бўлиб ўтган. Махачев ҳакамларнинг якдил қарори билан ғалаба қозонган эди.