31 янв 08:10
Янгиликлар

Каратэ

Карате: Садриддин Сайматов Open-de-Paris ғолиби!

Каратэ бўйича Ўзбекистон терма жамоаси аъзоси Садриддин Сайматов Франция пойтахти Париж шаҳрида ўтказилган нуфузли Open-de-Paris турнири ғолибига айланди.

Ўтган йили Осиё чемпиони бўлган Садриддин 2017 йилги мавсумни ҳам чиройли ғалаба билан бошлади. Open-de-Paris — Премьер-Лига Karate1 сериясига кирувчи нуфузли турнир ҳисобланади.

Мусобақада 79 давлатдан жами 1247 нафар иштирокчи медаллар учун татамига чиқди. 60 кг вазн тоифасида иштирок этган Садриддин Сайматов барча рақибларини мағлубиятга учратишга муваффақ бўлди.

У ҳал қилувчи финал учрашувида малайзиялик Сентилкумаран Селварахни 6:0 ҳисобида мағлуб этиб, Open-de-Paris ғолибига айланди. Туркиялик Айкут Кайя ва Эрай Самданга бронза медали насиб этди.

Ҳамюртимиз финалга қадар жаҳон чемпионатининг кумуш медал совриндори голландиялик Жеффри Беренса, жаҳон чемпионатининг бронза медал эгаси франциялик Софьян Агуджилаҳамда собиқ жаҳон чемпиони украиналик Игорь Угничдан устун келди.