27 мар 08:46
Янгиликлар

Теннис

Карлос Алькарас Майами "Мастерс" 1/4 финалида

АҚШнинг Майами шаҳрида теннис бўйича "Мастерс" сериясига кирувчи турнир давом этмоқда.

Мукофот жамғармаси 8,9 миллион долларни ташкил қилган нуфузли мусобақада чорак финал иштирокчилари маълум бўляпти. Дунёнинг иккинчи ракеткаси, испаниялик Карлос Алькарас тўртинчи даврада ATP рейтингида 24-ўринни банд этган италиялик Лоренцо Музеттини икки сетда ҳам бир хил ҳисобда енгди - 6:3, 6:3.

Саксон беш дақиқа давом этган баҳсда Алькарас 3, Музетти 1 та эйс зарбасини амалга оширган. Майами "Мастерс" турнирининг амалдаги чемпиони россиялик Даниил Медведев ҳисобланади. У ўтган йилги финалда италиялик Янник Синнердан устун келганди.