23 мар 08:04
Янгиликлар

Теннис

Карлос Алькарас Майами "Мастерс"дан "учиб" кетди

Дунёнинг биринчи ракеткаси Карлос Алькарас кутилмаганда Майами "Мастерс" турниридаги иштирокини якунлади.

Испаниялик теннисчи учинчи даврада ATP рейтингида 36-поғонада бораётган америкалик Себастьян Кордага уч сет натижасига кўра имкониятни бой бериб қўйди - 3/6, 7/5, 4/6. Теннисчиларнинг ўзаро учрашувларида ҳамон Карлос олдинда бормоқда - 4:2.

Икки соату 20 дақиқа давом этган баҳсда Алькарас 2, Корда 12 та эйс зарбасини амалга оширди. Брейклар бўйича америкалик теннисчи устунлик қилди - 3 га 2. Корданинг тўртинчи босқичдаги рақиби Карен Хачанов (Россия) - Мартин Ландалусе (Испания) учрашувида аниқланади.