07 июл 11:32
Янгиликлар

Теннис

Карлос Алькарас Уимблдон 1/8 финалида ўйнайди

Лондон шаҳри мезбонлик қилаётган теннис бўйича "Катта Дубулға" туркумига кирувчи Уимблдон турнири ўзининг қизғин палласига кириб бормоқда.

Дунёнинг иккинчи ракеткаси Карлос Алькараз тўртинчи босқичда ATP рейтингида 14-ўринни эгаллаб турган россиялик Андрей Рублёвни тўрт сет натижасига кўра мағлубиятга учратди. Биринчи сетни тай-брекда бой берган испан теннисчиси камбэк қилишга муваффақ бўлди - 6/7(5), 6/3, 6/4, 6/4.

Карлос теннисчиларнинг ўзаро учрашувлари ҳисобида олдинда бормоқда - 3:1. Икки соату 43 дақиқа давом этган баҳсда Алькараз 22, Рублёв эса 6 та эйс зарбасини амалга оширган. Испан кетма-кет 22-ғалабасини қўлга киритди. Энди у 1/4 финалда британиялик Кэмерон Норрига қарши кортга чиқади.