Карлос Алькарас Қатар турнири чемпиони!

Испаниялик теннисчи фаолиятидаги 26-чемпионлик совринига эга чиқди. Карлос Алькарас финал баҳсида ATP рейтингида 40-ўринни эгаллаб турган франциялик Артюр Фисни осонлик билан мағлубиятга учратди - 6/2, 6/1.

Теннисчиларнинг ўзаро учрашувларидаги ҳисоб йириклашди - 3:0. Бор йўғи 52 дақиқа давом этган баҳсда Алькарас 5 та эйс, 5 та брейкни амалга ошириб, 1 та қўшхатога йўл қўйди. Карлос 500 рейтинг очкоси ҳамда 529 245 АҚШ доллари миқдоридаги мукофот пулини қўлга киритди. Фис эса $ 285 095 ҳамда 330 очкога бойиб олди.