21 фев 15:22
Янгиликлар

Бокс/ММА

Яримоғир вазнда вакант бўлган UFC камари учун жанг ўтказилади

Катта эҳтимол билан бу UFC 327 турнирининг асосий жангига айланади.

Яримоғир вазн тоифасида вакант, яъни эгасиз қолиш эҳтимоли бўлган камар учун Иржи Прохазка ва Карлос Ульберг ўзаро жанг ўтказади. MMA HOJE портали хабарига кўра, ушбу жанг 11 апрель куни АҚШнинг Флорида штати Майами шаҳрида ташкил этиладиган UFC 327 турнирининг асосий воқеаси бўлади.

Айни пайтда ярим оғир вазн тоифасида UFC камари бразилиялик 38 ёшли Алекс Перейрага тегишли бўлиб, у ўтган йилнинг кузида Магомед Анкалаевни биринчи раундда нокаут эвазига мағлуб этганди. Миш-мишларга кўра, Перейра оғир вазнга ўтишга тайёргарлик кўрмоқда. У учинчи вазн тоифасида камарни қўлга киритмоқчи ва бу ҳолатда камар вакант қолади.

Эслатиб ўтамиз, Иржи Прохазка бунгача Алекс Перейрага икки марта муддатидан олдин ютқазган эди.