Карлос Пратес: "Кейинги жангда ўша лаънати камарини тортиб оламан"

"Сизларнинг кўпчилигингиз, Брэди, Медич ва ярим ўрта вазндаги бошқа жангчилар менинг номимни тилга олдингиз. Хотиржам бўлинглар, биродарлар. Кейинги жангда мен ўша лаънати камарини тортиб оламан. Шундан сўнг, барчангиз билан ҳисоб-китоб қилиб, тўғри "Оғриқлар қироллиги"га жўнатиб юбораман. Тайёр туринглар!", — дея Пратеснинг сўзларини келтиради MMA Junkie.

Таъкидлаш жоиз, Карлос сўнгги 15 та жангидан 14 тасида ғалаба қозонган, фақат ўтган йилнинг апрель ойида ирландиялик Йен Гэрри Мачадога имкониятни бой берган. 2026 йил 2 май куни эса UFC собиқ чемпиони Жек Делла Маддалена устидан муддатидан аввал ғалаба қозонган эди.

Ярим ўрта вазн тоифасидаги амалдаги чемпион Ислам Махачев, агар Пратес 16 август куни Филадельфияда Гэрри билан бўладиган титул жангида ғалаба қозонса, у билан октагонда учрашишга тайёрлигини билдириб ўтди.