19 апр 14:51
Янгиликлар
Баскетбол
Каррининг 34 очкоси «Голден Стэйт»га «Денвер» устидан ғалаба қозонишга ёрдам берди
Сан-Франсискодаги (АҚШ) «Chase Center» аренада NBA плей-офф серияси Ғарбий конференция 1/4 финалининг иккинчи ўйини бўлиб ўтди.
Унда «Голден Стейт Уорриорз» «Денвер Наггетс»ни қабул қилди. Учрашув мезбонларнинг 126:106 ҳисобидаги ғалабаси билан якунланди.
«Голден Стейт» нинг ғалабасига энг катта ҳиссани 34 очко тўплаган, шунингдек, 3 та рибанд ва 4 та самарали узатмани амалга оширган Стефен Карри қўшди. Сербиялик баскетболчи Никола Йокич 26 очко, 11 та рибанд ва 4 та самарали узатма билан «Денвер» сафида энг яхши ўйинчи бўлди.
Сериянинг учинчи ўйини 22 апрель, жума тонгида Денвердаги (АҚШ) «Ball Arena»да бўлиб ўтади. Учрашув Тошкент вақти билан соат 7:00 да бошланади.
Эслатиб ўтамиз, мунтазам мавсумда «Голден Стэйт» Ғарбий конференцияда учинчи, «Денвер» эса олтинчи ўринни эгаллаган эди.
Ҳавола :
Манба : championat.com
Фикрлар