22 янв 18:01
Янгиликлар

Теннис

Касаткина Австралия Очиқ чемпионатидаги иштирокини якунлади

Дунёнинг 23-ракеткаси Дарья Касаткина Australian Open турнирининг учинчи даврасида ўз юришини тўхтатди.

Россиялик теннисчи WTA рейтингида 9-ўринни эгаллаб турган польшалик Ига Свёнтекка 2/6, 3/6 ҳисобида имкониятни бой берди. Учрашув 96 дақиқа давом этган.

Касаткина 3 та, Свёнтек эса 4 та эйс зарбасини ижро этган. Теннисчиларнинг ўзаро учрашувларидаги ҳисоб мувозанати тикланди - 1:1. Свёнтек энди тўртинчи босқичда россиялик Анастасия Павлюченкова ёки руминиялик Сорана Кирстяга қарши кортга чиқади.