Каталонияда теракт содир бўлди, «Барселона» ҳамдардлик билдирди

«Шаҳримизга уюштирилган ҳужумдан хайратдамиз. Ҳозир барчамизнинг фикру ҳаёлимиз Барселонадаги терактда вафот этганларнинг яқинлари билан», – деб хабар бермоқда клуб матбуот хизмати.

Кеча Барселона шаҳри марказидаги Ла Рамбла майдонида юк машинаси одамлар устига юриб кетганди. Полиция бу ҳолатни теракт деб баҳолади. 100 нафар инсон жароҳатлангани айтилмоқда, улардан 15 нафарининг аҳволи оғир. 13 нафар инсон ҳаётдан кўз юмган.