“Катта Дубулға”. Икки дзюдочимизда мағлубият

Ушбу мусобақада 71та давлатдан 500 нафар полвон баҳсларга киришган. Улар орасида Ўзбекистон терма жамоасининг 3 нафар аъзоси Диёрбек Ўрозбоев (-60кг), Достон Холиқулов (-66кг) ва Ғиёсжон Бобоев (-73кг) ҳам бор.

Афсуски, дзюдочиларимиздан икки нафари саралаш боқичидаёқ мағлубиятга учрат, ўз иштирокларини муддатидан аввал якунлашди. Диёрбек Ўрозбоев аввалига словакиялик Дэвид Старкелни мағлуб этди, кейин эса озарбайжонлик Вугар Ширинлига имкониятни бой бериб қўйди. 

-66 кг вазндаги Достон Холиқулов эса илк баҳсидаёқ украиналик машҳур дзюдочи Георги Зантараяга ютқазиб қўйди. Айнан Зантарая финалгача етиб бориб, кумуш медал соҳиби бўлди. Бугун сўнгги вакилимиз Ғиёсжон Бобоев татамига чиқади. У иккинчи даврадан баҳсларга киришади.