“Катта Дубулға”. Умумажамоа ҳисобида саккизинчимиз, ҳозирча!

Бугун мусобақанинг иккинчи куни оғир вазн тоифасида ғолиб ва совриндорлар номи маълум бўлади. Мазкур мусобақада Ўзбекистон шарафини тўрт нафар спортчи ҳимоя қиляпти. Уларнинг уч нафари илк кунги баҳсларда татамига чиқди. 

Ҳамюртларимиздан Шарофиддин Лутфуллаев финалгача етиб етиб бориб, якунда кумуш медални қўлга киритди. -60кг вазн тоифасида татамига чиққан Шарофиддин ўз гуруҳида кореялик Харим Ли ва франциялик Седрик Револни мағлуб этди. Ярим финалда бразилиялик Фелипе Пелимдан устун келди. Олтин медал учун кечган баҳсда эса япониялик машҳур спортчи Тору Шишимега ютқазиб қўйди. 

Шу тариқа, кечаги кунги баҳслар якунига кўра терма жамоамиз медаллар жамғариш бўйича битта кумуш медал билан умумжамоа ҳисобида бешинчи ўринни эгаллаб турибди. Иккитадан олтин ва кумуш ҳамда битта бронза медалига эга дзюдо ватани Япония терма жамоаси бу борада карвонбоши. 

Биздан аввалги ўринларни Жанубий Корея, Косово, Украина, Канада, Франция ва Грузия терма жамоалари банд этган. “Катта Дубулға” мусобақасида жами 71та давлат полвонлари медаллар учун татамига чиқишяпти.