20 июн 10:02
Янгиликлар

Бокс/ММА

Казуто Иока тўртинчи вазнда жаҳон чемпиони бўлди

Японияда ўтказилган профессионал бокс кечасида 30 ёшли Казуто Иока ўзи учун тўртинчи вазн тоифасида жаҳон чемпионига айланди.

Иока филиппинлик 28 ёшли Астон Паликтега қарши рингга кўтарилди. Жанг биринчи енгил вазн тоифасида вакант бўлиб турган WBO чемпионлик камари учун ўтказилди. Казуто декабрь ойида айнан шу камар учун кечган жангда Донни Ниетесга ютқазганди.

Ниетес шу йилнинг март ойида бу камарни яна вакант қолдирди. Иока иккинчи уринишда ниҳоят чемпионлик камарини қўлга киритди. У рақибини ўнинчи раундда техник нокаутга учратди. Бу билан Иока тўртта вазнда жаҳон чемпиони бўлган илк япониялик боксчига айланди.