24 июл 11:44
Янгиликлар
Теннис
Келишилган ўйинларда иштирок этган икки теннисчимиз четлатилди. Улардан бири умрбодга!
Теннис бўйича Ўзбекистон терма жамоасининг икки нафар аъзоси келишилган ўйинларда қатнашганлиги исботланди.
Гап Темур Исмоилов ва Амал Султонбеков ҳақида кетмоқда. Теннисда ҳалолликни таъминлаш халқаро Агентлиги (ITIA) ҳамюртларимизнинг 2019 йилдаги иштирокларини ўрганиб чиқиш асносида ушбу айбловни қўйган.
Энг ёмони, Ўзбекистон терма жамоаси аъзоси бўлган Темур Исмоилов энди қўлига ракетка ҳам ололмайди. У умрбод теннисдан четлатилди. Дисквалификациядан ташқари, у 14 000 АҚШ доллари миқдорида жарима ҳам тўлайди. Жазо 2021 йилнинг 21 июлидан кучга кирган.
Амал Султанбеков эса теннисдан 5 йилга четлатилди ва камига 8000 доллар жарима ҳам тўлайди. Унинг жазо муддати ҳам 2021 йилнинг 21 июлидан кучга кирди. Исмоиловнинг фаолиятидаги энг юқори рейтинги 397, Султонбековники эса 1886-ўрин бўлган.
Ҳавола :
Манба : olamsport.com
Фикрлар