Келвин Каттар ҳакамларни ўғирликда айблади

Америкалик жангчи беш раунд тўлиқ давом этган баҳс якунида рейтингнинг бешинчи поғонасидан жой олган Жош Эмметтга имкогниятни бой бериб қўйганди. Ҳакамлардан икки нафари Жон (48-47), учинчи эса Келвин (48-47)нинг ғалабасини таъминлаганди. 

Табиийки, UFC ярим енгил вазн тоифаси рейтингида тўртинчи ўринни эгаллаб турган Келвин Каттар ҳакамлар қароридан норози эканини айтди. 

"Рефери қўлимни кўтаришига юз фоиз ишончим комил эди. Чунки, ғалаба учун қўлимдан келган барча ишни октагонга қилгандим. Шундай бўлса-да, Жошни ғалаба билан табриклайман. У ҳам яхши жанг ўтказганини тан олиш керак. У менга октагонга кўп муаммо туғдирди. Начора, ҳакамлар жангни бошқа ракурсдан кўришибди. Айниқса, бешинчи раундда яққол устунликка эришгандим. Жангнинг иккинчи қисми меники эди. Зарбаларим рақибникига қараганда анча аниқ ва кучлироқ чиқди. Ҳозир жангни тўлиқ кўриб, таҳлил қилишим керак. Ҳар қандай ҳолатда ҳам ҳакамлар ғалабамни ўғирлашди", - деди Каттар.