02 фев 08:30
Янгиликлар
Бокс/ММА
Кличко - Жошуа жанги учун 90 000 чипта сотилди
Профессионал бокснинг супероғир вазн тоифасида IBF йўналиши чемпиони британиялик Энтони Жошуа ўз камарини собиқ мутлоқ жаҳон чемпиони украиналик Владимир Кличкодан ҳимоя қилади.
Аввал хабар берганимиздек, ушбу чемпионлик жанги Лондон шаҳридаги муҳташам “Уэмбли” стадионида ўтказилади. Мазкур жанг учун чиқарилган 90 000 чипта сотиб бўлингани ташкилотчилар томонидан маълум қилинди.
Бу “Уэмбли” стадиони учун бокс жанглари тарихида мухлислар ташрифи бўйича рекорд кўрсаткичга айланди. Энтони Жошуа ва Владимир Кличко ўртасидаги жанг 29 апрель куни бўлиб ўтади.
Эслатиб ўтамиз, кеча боксчилар АҚШнинг Нью-Йорк шаҳрида ташкил этилган матбуот анжуманида иштирок этиб, журналистларни қизиқтирган барча саволларга жавоб қайтаришди.
Ҳавола :
Манба : isport.ua
Фикрлар