Конор Макгрегор: "UFC'да қолишимга умид қиламан"

"Молиявий томондан олганда, биз ўртача нуқтада келишдик. Жуда яхши келишувга эришдик. Бу шартнома менинг ҳақиқий қийматимга мос келадими? Балки йўқдир. Бу улар менга дастлаб таклиф қилмоқчи бўлган шартларгами? Аниқ йўқ. Биз муросага келдик. Мен адолатли музокара олиб боришни биламан. UFC'ни яхши кўраман ва ҳамкорликни давом эттиришни истайман. Кейинги воқеалар қандай ривожланишини кўрамиз.

Мен маълум даражада қониқдим. UFC'да қолишимга умид қиламан. Умид қиламанки, биз келишувга эриша оламиз. Менга янада каттароқ ҳурмат билан муносабатда бўлишларини хоҳлайман. Ҳақиқатан ҳам ким эканимни яна бир бор исботламоқчиман", — деди Макгрегор.

Эслатиб ўтамиз, 11 июль куни Макгрегор беш йиллик танаффусдан кейин октагонга қайтади. У UFC 329 турнирининг асосий жангида Макс Холлоуэйга қарши баҳс олиб боради.