18 июл 16:09
Янгиликлар

Таэквондо

Кореядаги мусобақаларда муваффақиятли қатнашган таэквондочиларимиз тантанали кутиб олинди + ФОТО

Теглар : Таэквондо

Бугун эрта тонгда «Chuncheon KOREA OPEN» ва «Kimunyong Cup» Халқаро турнирларида муваффақиятли иштирок этган таэквондочиларимиз (WTF) ватанимизга ёруғ юз билан қайтиб келди.

Ислом Каримов номидаги “Тошкент Халқаро аэропортида” спортчиларни тантанали кутиб олиш маросими бўлиб ўтди.

«Chuncheon KOREA OPEN» ва «Kimunyong Cup» Халқаро турнирларида ватанимиз шарафини Шохруҳ Ражабов (+87 кг.), Никита Рафалович (-80 кг.), Светлана Осипова (+73 кг.) ва Мадина Маннопова (-49 кг.) лар ҳимоя қилди.

Светлана Осипова “Kimunyong Cup G-1” халқаро турнида шоҳсупанинг энг юқорисидан жой олган бўлса, “Chuncheon Korea Open G-2” турнирида кумуш медаль билан тақдирланди. Шоҳруҳ Ражабов “Chuncheon Korea Open G-2” турнирининг финал қисмида рақибига имкониятни бой бериб қўйди ва натижада кумуш медалга эга чиқди. Никита Рафалович “Chuncheon Korea Open G-2” турнирида бронза, Мадина Маннапова ҳам “Chuncheon Korea Open G-2” мусобақасида бронза медали билан тақдирланди.