13 июл 10:52
Янгиликлар

Бокс/ММА

Кормье Ромеронинг чақирувига жавоб қайтарди: “Орзу қилишда давом эт!”

Аралаш қоидалар бўйича икки вазнда UFC чемпиони Даниэль Кормье ўрта вазнда UFC чемпионлик камари учун собиқ даъвогар Йоэль Ромеродан таклиф олди.

Ромеро ярим оғир вазн тоифасига ўтишни режалаштирмоқда. Йоэль ўзининг Твиттердаги саҳифасида Даниэлга мурожаат қилиб, уни ўзаро жанг ўтказишга чорлади. Кормье эса бу чорловга ўзига хос тарзда жавоб қайтарди.

“Ромеро, сен билан менинг ўртамда катта тафовут бор. Сен сўнгги икки жангингда вазн борасида муаммога дуч келиб, жамоангни уялтирдинг. Мен эса охирги иккита жангимда иккита чемпионлик камарини қўлга киритдим. Шундай экан, орзу қилишда давом эт!”, - деди Кормье.