12 окт 08:55
Янгиликлар

Бокс/ММА

Котто ва Али ўртасидаги жанг расман тасдиқланди

Иккинчи ярим ўрта вазн тоифасида WBO йўналиши чемпиони америкалик Мигель Котто (41-5, 33 КО) 2 декабрь куни ҳамюрти Садам Али (25-1, 14 КО) билан рингда тўқнаш келади.

Бу маълумот WBO ташкилоти расмий сайти томонидан ҳам расман тасдиқланди. Аввалроқ, Коттонинг рақиби Давид Лемье бўлиши хабар қилинганди.

Маълумот учун, Котто ва Али ўртасидаги жанг Нью-Йорк шаҳридаги муҳташам Мэдисон-Сквер-Гарден аренасида бўлиб ўтади. Айнан мана шу жангдан сўнг Мигель Котто фаолиятига расман якун ясайди.