“Краснодар” қўшимча дақиқаларда “Зенит” устидан иродали ғалабага эришди

Учрашувнинг сўнгги дақиқалари драматик кўриниш хосил қилди. 86-дақиқада Дзюба “Зенит”ни ҳисобда олдинга олиб чиқди. Асосий вақтга қўшиб берилган дақиқа бошланганда Марат Измайлов мувозанатни тиклади.

Қўшиб берилган тўртинчи дақиқада эса Окриашвили супер гол муаллифига айланди. Унинг қайчи услубида тепган тўпи “Краснодар”га иродали ғалабани тақдим этди.

Ғолиб жамоа таркибида ҳамюртимиз Одил Аҳмедов ҳам ғалабага муносиб улуш қўшди. Терма жамоамиз сардори 58-дақиқада Лаборденинг ўрнига майдонга туширилди. Ушбу ғалабадан сўнг “Краснодар” 27 очко билан учинчи ўринни эгаллаб турибди.  

КРАСНОДАР – ЗЕНИТ 2:1 (0:0, 2:1)

“стадион Краснодар”

Голлар: 0:1 – 86 Дзюба, 1:1 – 90 Измайлов, 2:1 – 90 Окриашвили.

“Краснодар” – Синицин, Гранквист, Налдо, Енжейчик, Измайлов, Газинский (Бистров, 83), Торбинский, Каборе, Лаборде (ОДИЛ АҲМЕДОВ, 58), Жоаозиньо (Окриашвили, 63), Смолов.

“Зенит” – Лодигин, Нету, Новосельцев, Кришито, Витцель, Жирков (Чернов, 78), Жулиано, Гарсия, Мак (Маурисио, 88), Кокорин (Кержаков, 84), Дзюба.

Огоҳлантиришлар: Витцель (45), Лаборде (49), Енжейчик (75), Гарсия (80), Измайлов (85), Торбинский (90), Дзюба (90).