21 окт 12:15
Янгиликлар

Теннис

Кремль Кубоги (WTA): Гергес ва Касаткина финалда

Россия Федерацияси пойтахти Москва шаҳрида ўтказилаётган теннис бўйича Кремль Кубоги турнири якунига сари яқинлашмоқда.

WTA Premier тоифасига кирувчи ушбу мусобақанинг яккалик баҳсларида финал иштирокчиларининг номи маълум бўлди. Турнирнинг еттинчи ракеткаси германиялик Юлия Гергес ҳамда мезбон теннисчи Дарья Касаткина бугун бош мукофот учун баҳсда кортга чиқишади.

Дунёнинг 27-ракеткаси бўлган Гергес 1 соату 58 дақиқа давом этган ярим финал баҳсида россиялик Наталья Вихлянцевани 6:2, 2:6, 7:5 ҳисобида таслим этди. WTA рейтингида 29-ўринни эгаллаб турган Касаткина эса руминиялик Ирина Бегудан 6:2, 6:3 ҳисобида устун келди.

Ярим финал

Дарья Касаткина (Россия) – Ирина Бегу (Руминия) – 6:2, 6:3

Юлия Гергес (Германия, 7) – Наталья Вихлянцева (Россия) – 6:2, 2:6, 7:5

Финал

Дарья Касаткина (Россия) – Юлия Гергес (Германия, 7)