19 июн 21:08
Янгиликлар

Бокс/ММА

Кубрат Пулев: Жошуа иккинчи жангда ҳам Руисга ютқазади

Болгариялик супероғир вазн тоифасидаги боксчи Кубрат Пулев WBA, WBO, IBF ва IBO йўналишлари чемпиони Энди Руис ҳақида гапирди.

Пулевнинг айтишича, мексикалик жаҳон чемпиони реванш жангида ҳам Жошуани мағлуб эта олар экан.

“Руис илк жангда Жошуани ҳақли равишда мағлуб этди. Бу ҳамма учун ҳақиқий сюрприз эди. Очиғи, мен учун ҳам бу кутилмаган натижа бўлди. Ўйлашимча, Жошуа реванш жангида яна ютқазади. Чунки, Руиснинг жанг олиб бориш услуби ҳар қандай боксчига ноқулайлик туғдиради. Ушбу жанг ғолибига қарши рингга чиқиш истагидаман. Айни пайтда IBF камари учун расмий даъвогарман”, - дея Пулевнинг сўзларидан иқтибос келтирмоқда Boxing News 24.