Кутилмаган қарор. Жаҳон чемпиони Нико Росберг фаолиятини якунлади

Германиялик пилот профессионал фаолиятини якунлаганини расман эълон қилди. Росберг яқиндагина Абу-Даби Гран- присидан сўнг фаолиятида илк бор жаҳон чемпионлигини қўлга киритган эди.

Кеча “Мерседес” жамоаси аъзоси ўзининг Facebook ижтимоий тармоғидаги саҳифасида бу ҳақда хабар қолдирди.

“Мен 25 йилдан бери ушбу спорт туридаман. Ўзимнинг азалий орзуим – “Формула-1” мусобақаларида жаҳон чемпиони бўлишга эришдим. Бунинг йўлида жуда мураккаб йўлни босиб ўтдим. Кўп нарсадан воз кечишга тўғри келди. Яқин ҳафталарда келгуси фаолиятим қайси соҳада давом этишига ойдинлик киритиб олишим керак”, – деди Росберг.

Маълумот учун, 31 ёшли Нико Росберг ўзининг профессионал фаолиятини 1996 йилда бошлашан. “Формула-1” пойгаларида эса 2006 йилда Баҳрайн Гран-присида дебют қилган.