06 авг 14:13
Янгиликлар

Теннис

Кузнецова Вашингтондаги турнирда тенгсиз бўлди!

Россиялик теннисчи Светлана Кузнецова АҚШ пойтахти Вашингтон шаҳри мезбонлик қилган турнир ғолибига айланди.

Чемпионликка қадар дунё рейтингида 128-ўринни эгаллаб турган Кузнецова мураккаб кечган финал баҳсида иродали ғалабани қўлга киритди. Света 2 соату 31 дақиқа давом этган финал учрашувида хорватиялик 22 ёшли Донна Векичдан 4:6, 7:6(7), 6:2 ҳисобида устун келди.

Маълумот учун, Citi Open турниридаги муваффақиятли иштирок россиялик 33 ёшли теннисчи учун 43 000 доллар мукофот пули ҳамда 280 рейтинг очкосини тақдим этди. Бу Кузнецова учун фаолиятидаги 18-соврин бўлди.