24 июн 13:37
Янгиликлар

Теннис

Квитова Бирмингем турнири финалида Рибариковага қарши кортга чиқади

Англиянинг Бирмингем шаҳрида якунига етиб бораётган хотин-қиз теннисчилар ўртасидаги нуфузли турнирда финалчилар маълум бўлди.

Бугун ўтказиладиган финал учрашувида дунёнинг саккизинчи ракеткаси бўлган чехиялик Петра Квитова словакиялик Магдалена Рибариковага қарши кортга чиқади.

Петра ярим финал баҳсида руминиялик Михаэла Бузарнескуни 6:3, 6:2 ҳисобида енгди. WTA рейтингида 19-ўринни эгаллаб турган Рибарикова эса чехиялик Барбора Стрицовадан 7:6(1), 6:4 ҳисобида устун келди.