11 ноя 12:52
Янгиликлар

Теннис

Квитова қўлини сақлаб қолган клиникага хайрия пули ўтказди

Чехиялик теннисчи, Уимблдон турнирининг икки карра ғолибаси Петра Квитова хайрли ишга қўл урди.

Петра Чехиядаги клиникага 13 000 доллар хайрия қилди. Айнан шу клиникада Квитованинг қўли операция қилинган эди. Бир неча ой олдин Петра ўз уйида босқинчининг ҳужумига дучор бўлганди. Ўшанда ўғри уйдан қочаётган бир паллада теннисчининг қўлини пичоқда кесиб кетган эди.

Бугун аёллар жамоалари ўртасидаги норасмий жаҳон чемпионати ҳисобланган Федерация Кубоги ташкилотчилари чехиялик теннисчининг садоқати учун 13 000 долларлик чек тақдим этишганди. Петра сўнгги 10 йил ичида фақат бир маротаба ушбу турнирда иштирок этмаган. Ушбу чекни у клиникага топширди.