“Лацио” 99-дақиқада гол ўтказиб, ғалабани қўлдан чиқарди

“Олимпико” стадионида кечган учрашувнинг 21-дақиқасида меҳмонлар ҳужумчиси Фабио Квальярелла ҳисобни очди. “Лацио” ҳимоячиси Франческо Ачерби иккинчи бўлим охирларида мувозанатни тиклади. Ҳакам томонидан қўшиб берилган дақиқаларда меҳмонлар ҳимоячиси Бартош Берешиньски қизил карточка олиб майдонни тарк этди. 

Натижада Чиро Иммобиле 90+6-дақиқада пеналтидан гол уриб, жамоасини ҳисобда олдинга олиб чиқди. Аммо бу ҳаммаси эмасди. Орадан уч дақиқа ўтиб, “Самдория” хавбеки Риккардо Сапонара жамоасига очко келтирувчи голни “Лацио” дарвозасига киритди - 2:2.

Бу “Лацио”нинг А серияда қаторасига тўртинчи дуранг натижасидир. “Сампдория” эса уч ўйиндан буён чемпионат беллашувларида мағлуб бўлмай келмоқда.

25 очко жамғарган “Лацио” А Серия турнир жадвалида 5-поғонада бораётган бўлса, “Сампдория” 20 очко билан 9-поғонани банд этган.