10 июн 14:30
Янгиликлар
Футбол
“Лацио” Фелипе Андерсоннинг ўрнига Азмунни кўзлаяпти
Қозоннинг “Рубин” клуби ҳужумчиси Сердар Азмун “Лацио” қизиқишлари доирасига тушиб қолди.
Аслида римликлар ўтган йилнинг ёзидаёқ Эрон терма жамоаси етакчисига таклиф билан чиқишганди. Ўшанда “Рубин” 23 ёшли футболчи учун 20 млн евро сўраган, лекин бу сумма “Лацио”ни қониқтирмаганди.
Италия клуби Азмунга жамоани тарк этишга яқин турган бразилиялик хавбек Фелипе Андерсонга издош сифатида қарамоқда. Андерсон катта эҳтимол билан “Вест Хэм”га кўчиб ўтади.
Маълумот учун, ўтган мавсумда Сердар Азмун “Рубин” либосида барча турнирларда жами 28та учрашувда майдонга тушиб, 5та гол киритди ва 6та голга ҳаммуаллифлик қилди.
Ҳавола :
Фикрлар