07 окт 07:58
Янгиликлар

Бокс/ММА

Лас-Вегасда ўтадиган UFC 270 турнирининг марказий жанги маълум

UFC матбуот хизмати томонидан 22 январь куни АҚШнинг Лас-Вегас шаҳрида ўтказиладиган UFC 270 турнирининг марказий жанги маълум қилинди.

Оғир вазнда амалдаги UFC чемпиони бўлиб турган Фрэнсис Нганну ушбу вазнда вақтинчалик камар соҳиби Сирил Ганга қарши октагонга кўтарилади. Бу икки яккакураш устаси битта клубда ўз машғулотларини ўтказишган ва ҳатто спарринг-ҳамкор ҳам бўлишган.

Маълумот учун, Фрэнсис Нганну сўнгги жангини шу йилнинг март ойида Стипе Миочичга қарши ўтказиб, рақибини иккинчи раундда нокаутга учратган эди. Бу билан у Стипега тегишли чемпионлик камарини тортиб олганди. Сирил Ган эса август ойида Деррик Льюисни учинчи раундда техник нокаут эвазига енгиб, вақтинчалик камар соҳибига айланганди.