ЛеБрон Жеймс: "Бу мавсум сабрим ҳар доимгиданда кўпроқ синаляпти"

“Сабр мен учун ҳар мавсум муҳим омил. Аммо бу йил бошқача. Ўйлашимча, бу мавсум сўнгги бир неча йилдаги мавсумларга қараганда менинг сабр-тоқатим бироз кўпроқ синовдан ўтмоқда. Бу ўйинимиз ва мағлубиятлар кўпайиб кетгани учун.

Бу сизнинг сабр-тоқатингиз синовидир ва сиз жамоадошларингиз учун яхшироқ бўлиш йўлларини излайсиз, мағлуб бўлгандаги руҳий ҳолатга берилмайсиз. Охир-оқибат, мен ҳеч қачон, ҳатто ўйинда мағлуб бўлсам ҳам, ўзимни аутсайдернинг ўрнига қўймайман", - дея Жеймснинг сўзларини келтиради ESPN.

Эслатиб ўтамиз, "Лейкерс" Ғарбий конференция турнир жадвалида тўққизинчи ўринни эгаллаб турибди ва жамоанинг плей-оффга чиқа олмаслик хавфи бор.