ЛеБрон Жеймс "Энг ёмон актёрлик роли" учун "Олтин малина" мукофотини қўлга киритди

"Лейкерс" жамоаси форварди ЛеБрон Жеймс "Энг ёмон актёрлик роли" учун мукофотни қўлга киритди.

NBA'нинг супер юлдузи иштирокидаги "Космик Жам: Янги авлод" фильми бир вақтнинг ўзида тўртта номинация бўйича жаҳон киносининг асосий анти-мукофотига даъвогарлик қилди.

Натижада, ушбу фильм ва ЛеБрон иккита "Олтин малина" мукофотига эга бўлишди. Бу совриндан ташқари, у "Энг ёмон экран жуфтлиги" мукофотини ҳам қўлга киритди.

"Энг ёмон фильм" номинациясида кубок британ маликасининг драматик тақдири ҳақида ҳикоя қилувчи "Диана: Мюзикл" фильмига насиб этди.

"Олтин малина" ёки "Раззи" мукофоти 1981 йилда таъсис этилган антимукофот бўлиб, йилнинг энг ёмон актёрлик иши, сценарийси, режиссёри, кино қўшиғи ва фильмини аниқлайди.