"Лейкерс" бош мураббий Фрэнк Вогелни истеъфога чиқарди

Вогель жамоа тарихидаги 27-бош мураббий бўлди. Фаолияти давомида Вогель клуб билан 225 ўйиннинг 127 тасида ғалаба қозонди (56,4 фоиз). Шунингдек, "Лейкерс" ушбу мураббий билан 2019/20 мавсумда NBA чемпионлигини қўлга киритди.

Аммо афсуски, "Лос-Анжелас Лейкерс" бу мавсумда NBA плей-инда қатнаша олмайди ва клуб мунтазам чемпионатни 33 та ғалаба, 49 та мағлубият билан якунлади.

"Мен Фрэнкни майдонда ҳам, ундан ташқарида ҳам жуда ҳурмат қиламан. Фрэнк ажойиб мураббий ва яхши инсон. 2019/20 йилги мавсумда бизни NBA чемпионлигига олиб чиққан иши учун биз ундан доимо миннатдормиз. Бу ниҳоятда қийин қарор, аммо ҳозирда биз буни зарур деб ҳисоблаймиз. Биз ҳаммамиз Фрэнк ва унинг оиласига энг яхши тилакларимизни тилаб қоламиз", - деди "Лейкерс"нинг вице-президенти ва бош директори Роб Пелинка.