Ливандаги Осиё чемпионати ўсмирларимиз учун муваффақиятли бошланди

Ўғил болалар ўртасидаги баҳсларда -50кг вазн тоифасида юртимиз шарафини ҳимоя қилган Бобурмирзо Шарифжонов барча рақибларини мағлубиятга учратиб, олтин медаль соҳибига айланди. Шунингдек, Жайҳунбек Назаров(-66кг), Мақсуд Очилов (-55кг) кумуш, Теҳрон Эркинов (-60кг) эса бронза медалини қўлга киритди.

Қизлар ўртасидаги беллашувларда Нилуфар Ермагамбетова (-52кг) ва Сита Қадамбоева (-48кг) олтин, Ҳалимажон Қурбонова (-44кг) кумуш ва Фотимахон Турсунбоева (-40кг)лар бронза медаллари эгасига айландилар.

Таъкидлаб ўтиш лозимки, ушбу мусобақада шу йилнинг октябрь ойида Аргентинада бўлиб ўтадиган III ёзги ўсмирлар Олимпия ўйинлари йўлланмаси учун муҳим бўлган рейтинг очколари ҳам ўйналмоқда. Спортчиларимиз ушбу муваффақият орқали қимматли очколарни ўз ҳисобларига қўшиб қўйдилар.