02 фев 13:49
Янгиликлар

Футбол

"Ливерпуль" "Ренн" ҳимоячисини трансфер қилиш бўйича келишувга эришди

"Ренн" марказий ҳимоячиси Жереми Жаке фаолиятини "Ливерпул"да давом эттиради.

Клублар 20 ёшли футболчининг трансфери бўйича келишиб олган, деб хабар бермоқда инсайдер Фабрицио Романо. Ўтиш ёз фаслида амалга ошади.

Манбага кўра, битим қиймати 60 млн еврони ташкил қилади, қўшимча равишда 10 млн евро бонус кўзда тутилган. Франциялик футболчи "Ливерпуль" билан шахсий битим шартларини ҳам келишиб олган.

Эслатиб ўтамиз, Жереми Жаке учун курашда "Челси" ҳам иштирок этган. Яқин вақтгача айнан лондонликлар ёш юлдуз учун пойгада асосий фаворит ҳисобланган, бироқ мерсисайдликлар отни тезроқ қамчилади.