19 сен 07:12
Янгиликлар

Футбол

“Локомотив” 1-дақиқадаги гол эвазига ўз майдонида ютқазди

Москванинг “Локомотив” клуби Россия чемпионатининг 10-турини ўз майдонида “Амкар”га қарши ўтказиб, аламли мағлубиятни қабул қилиб олди.

Ягона гол ўйиннинг биринчи дақиқасидаёқ Михаил Гашенков томонидан киритилди. Бу ҳисоб ўйин охиригача сақланиб қолди. “Локомотив” турнир жадвалида пешқадам бўлиб олиш имкониятини қўлдан чиқарди.

Бугунги мағлубиятдан сўнг Москва “темирйўлчилари” 20 очко билан мусобақа жадвалида 3-ўринни эгаллаб туришибди. “Амкар” эса 8 очко билан 14-поғонага кўтарилиб олди. Учрашувда ҳамюртимиз Виталий Денисов бошланғич таркибда майдонга тушиб, бир бўлим ҳаракат қилди.