Ломаченконинг 25 августга мўлжалланган жанги ўтказилмайди

Бу қарорини у фаолиятини 61,2 кг вазн тоифасида давом эттириши билан изоҳлаган эди. Ломаченко 12 май куни Нью-Йоркда эндиликда собиқ WBA чемпиони венесуэлалик Хорхе Линарес (44-4, 27 КО)ни нокаутга учратиб, янги вазн тоифаси чемпионига айланганди. 

Боксчининг промоутери Боб Арум ўша жангдан кейинги матбуот анжуманида Ломаченконинг кейинги жанги 25 август куни Калифорния штатининг Инглвуд шаҳрида WBO чемпиони, мексикалик фахрий Раймундо Бельтран (35-7-1, 21 КО)га қаши ўтказилишини анонс сифатида айтганди.

“Ломаченко 25 август куни рингга чиқмайди. Лекин катта эҳтимол билан у барибир бирлаштирувчи чемпионлик жангида Бельтран билан тўқнаш келади. Линаресга қарши кечган жангдан сўнг Василий Украинага жўнаб кетди. Тез орада яна АҚШга қайтади ва биз унинг менежери Эгис Климас билан бирга Ломаченконинг кейинги жанги санаси ва рақиби масаласида келишиб оламиз”, — деди Арум.

Маълумот учун, Ломаченко воз кечган WBO чемпионлик камари учун жанг 28 июнь куни АҚШнинг Флорида штати Киссимми шаҳрида пуэрториколик Кристофер Диас (23-0, 15 КО) ҳамда япониялик Масаюки Ито (23-1-1, 12 КО) ўртасида бўлиб ўтади.