Луис Суарес Роналдуга тегишли бўлган рекордни янгилади

Гарчи “Алавес”га қарши кечган ўйин “Барселона” учун мағлубият билан якунланган бўлсада, уругвайлик ҳужумчи учун ўзига хос рекорд билан эсда қоладиган бўлди. Айнан мазкур учрашув Суарес учун “Барселона” либосидаги юбилей 100-ўйин сифатида эътироф этилди.

Бу билан Луис Роналдунинг рекордини янгилади. Португалиялик футболчи ўзининг “Реал”даги 100та учрашувида гол+пас тизимида 124 очко (95 гол + 29 ассистенлик) жамғарганди.

Бу борада Суарес 131 очко (88 гол+43 ассистент) тўплади. Уругвай терма жамоаси аъзоси 2014 йилнинг ёзида “Барселона” сафига кўчиб ўтган эди. Ўшанда каталонияликлар “Ливерпуль” учун 65 млн фунт стерлинг тўлашганди.