09 май 08:47
Янгиликлар

Теннис

Мадрид "Мастерс" бош соврини Испанияда қолди

Испания пойтахти Мадрид шаҳрида ўтказилган "Мастерс" сериясига кирувчи нуфузли турнир якунига етди.

Ҳал қилувчи финал учрашувида ATP рейтингида тўққизинчи ўринни эгаллаб турган испаниялик Карлос Алькараз дунёнинг учинчи ракеткаси, германиялик Александр Зверевга қарши кортга чиқди.

Олтмиш тўрт дақиқа давом этган баҳсда Алькараз номдор рақибини 6/3, 6/1 ҳисобида мағлубиятга учратди. 19 ёшли Карлос 1 та, 25 яшар Зверев 3 та эйс зарбасини ижро этган. Теннисчиларнинг ўзаро учрашувларида Алькараз илк бор ғалаба қозонган - 1:2.

Mutua Madrid Open турниридаги муваффақиятли иштирок Карлос Алькаразга 1000 рейтинг очкоси ҳамда $1,041,570 доллар мукофот пули келтирди.