Мафтункор Камила Монреалда тенгсиз бўлди

"Премьера" туркумига кирувчи турнирнинг ҳал қилувчи финал учрашувида кутилмаган натижа қайд этилди. WTA рейтингида 71-поғонадан жой олиб турган италиялик теннис маликаси Камила Жоржи сайёрамизнинг олтинчи ракеткаси, чехиялик Каролина Плишковани 6/3, 7/5 ҳисобларида мағлуб этишнинг уддасидан чиқди. 

Роппа-роса 100 дақиқа давом этган баҳсда 29 ёшли Жоржи 7 та, Плишкова эса 4 та эйс зарбасини амалга оширади. Теннисчиларнинг ўзаро учрашувларида ҳамон чехиялик теннисчи олдинда бормоқда - 5:3. National Bank Open турниридаги муваффақиятли иштирок Жоржига 900 рейтинг очкоси ҳамда 221,500 доллар мукофот пули келтирди.