Маҳмуд Мурадов Чехияда машғулотларни давом эттирмоқда, у март ойида жанг қилмоқчи (ВИДЕО)

Ўрта вазн тоифасида ўзбекистонлик UFC жангчиси Маҳмуд Мурадов (25-8) навбатдаги жанги учун тайёргарликни Чехияда давом эттирмоқда. Бу ҳақда Мурадов ўзининг Инстаграмдаги расмий саҳифасида маълум қилган.

Маҳмуд шунингдек март ойида октагонга қайтишга тайёрлигини айтиб ўтган.

Маҳмуд Мурадов сўнгги бор 2022 йил 22 октябрь куни Абу-Даби (БАА)да ташкил этилган UFC 280 мусобақаси доирасида бразилиялик Кайо Борральо (13-1)га қарши жанг қилиб, ҳакамлар қарори билан мағлуб бўлган эди.