Маҳмуд Мурадов: «Имкон қадар тезроқ октагонга қайтмоқчиман»

UFC'даги илк ўзбекистонлик жангчи Маҳмуд Мурадов Тошкентда машғулотларга киришди. Бу ҳақда спортчи ижтимоий тармоқдаги саҳифасида орқали маълум қилмоқда.

«Эрталабки машқлар: енгил атлетика, спринт. Навбатдаги жангга тайёргарликларни бошладик. Сана ва рақиб маълум бўлса бас. Имкон қадар тезроқ октагонга қайтмоқчиман. Яқин кунларда Европага йиғин машғулотларини ўтказиш учун йўл оламиз. Қўллаб-қувватлаганингиз учун барчангизга раҳмат», - дея ёзиб қолдирди Мурадов тегишли видео-пост остига.