Маҳмуд Мурадов Камару Усман билан спарринг ҳақида: Ўшанда ютқазмагандим

"Мен доимо ғалаба қозонишни истайман. Ишончим комилки, буни рақибимдан ҳам кўпроқ хоҳлайман. Чунки, 1000 фоиз биламан, мен унга қараганда кўпроқ ишлаганман. Мен мақтанмоқчи эмасман. Америкада Камару Усман билан спарринг жанг ўтказганман. Чемпион билан. Ўша жангдан сўнг ўзимга "Менимча UFCда нимадир қила оламан" деб айтганман. Авваллари улар умуман бошқача инсонлар деб ўйлардим. Уларда ҳам суяклар, бош, икки қўл, икки оёғи бор. Бир-икки маротаба унга зарба берганман. У зарбани ҳис қилган. Ўшанда у ўзининг энг яхши формасида эди. Чунки, унинг жангига икки ҳафта қолганди. Спортчи жангига бунча муддат қолганида қандай формада бўлишини спортчилар билишади. Мен эса жангдан сўнг дам олиб юрган пайтим эди. Мен Камару билан жанг қилганман ва хеч қайси жабҳада ютқазмаганман. Ўшанда у чемпионлик учун даъвогар эди. Шундан сўнг менда ҳам имконият борлиги ҳақида ўйлай бошлаганман", - деди Маҳмуд Мурадов.