Маҳмуд Мурадов мағлубиятдан сўнг илк постини қўйди: «Ишончингизни оқламаганимдан афсусдаман»

UFC 280 турнирида ҳакамлар қарорига кўра мағлубиятга учраган ҳамюртимиз Маҳмуд Мурадов Инстаграмда пост қолдирди.

«Ассалому алайкум ҳаммага! Баъзида ҳаммаси биз хоҳлагандек бўлмайди! Демак кеча менинг куним эмас эди! Мен жангга тайёр эдим, ўзимни яхши ҳис қилдим, лекин жангда нимадир нотўғри кетди, бу спорт, рақибимни эса чин дилдан табриклайман. Алҳамдулиллаҳ, жанг жароҳатсиз ўтди, яқин кунларда машғулотларга қайтаман.

Мени қўллаб-қувватлаш учун келган барчага катта раҳмат, сизни эшитдим, ҳис қилдим, ишончингизни оқламаганимдан афсусдаман.

ТВ экранлари орқали кузатган, ва мен учун дуо қилган барчага катта раҳмат!
Ҳеч нарса тугамади, Ин Ша Аллоҳ ҳаммаси олдинда», - дея постга нуқта қўйди Мурадов.