Маҳмуд Мурадов: «Тез орада кейинги жангга фаол тайёргарликни бошлаймиз»

UFC'даги жангчимиз Маҳмуд Мурадов машғулотларда давом этмоқда. Бу ҳақда спортчи ижтимоий тармоқдаги саҳифаси орқали хабар бермоқда.

«Ифтордан олдин Жасур Алижонов билан енгил машғулотларни ўтказиб олдик. Жароҳатлар аста-секин тузалиб бормоқда ва тез орада кейинги жангга фаол тайёргарликни бошлаймиз. Қўллаб-қувватлаган барчага раҳмат, рўзадорларга эса алоҳида куч ва сабр тилайман», - дея ёзиб қолдирди Мурадов тегишли суратни илова қилиб.