06 окт 07:24
Янгиликлар

Бокс/ММА

Маҳмуд Мурадовнинг лигаси UzReport TV билан шартнома имзолади

UFC'чимиз Маҳмуд Мурадовга тегишли МPL (Мuradov Professional League) промоушени UzReport TV билан ҳамкорликни йўлга қўйди.

Бу ҳақда спортчимизнинг ўзи Инстаграм тармоғи орқали хабар бермоқда. Мурадовга кўра, ташкилот томонидан уюштирилган ММА кечалари ушбу телеканал орқали жонли тарзда эфирга узатилади.

«Бугун бизнинг МPL UzReport TV телеканали билан узоқ муддатли шартнома имзолади. Бундан буён легионимизнинг барча жанглари ушбу телеканал орқали жонли эфирда намойиш этилади. Мен бундай ҳамкорликдан хурсандман, чунки бизнинг умумий мақсадимиз бор: спортни ва хусусан ММАни мамлакатимизда оммалаштириш», - дея пост қолдирди Мурадов тегишли суратни илова қилиб.