13 сен 10:02
Янгиликлар

Футбол

Манчини 40 йиллик натижани такрорлади

Италия терма жамоаси Роберто Манчини қўл остида сўнгги 40 йилликдаги энг ёмон стартни намойиш қилди.

Бунга қадар Робертонинг Италияси қайд этган натижа ўтган асрнинг 70-йилларида юзага келганди. Ўшанда "Мовий гвардия"ни Фульвио Бернардини бошқарганди.

Манчини келганидан кейин Италия терма жамоаси Саудия Арабистонини мағлуб этди (2:1), Голландия (1:1) ва Польша (1:1) термалари билан дуранг ўйнади, Франция (1:3) ва Португалия (0:1) термаларига эса мағлуб бўлди.

Маълумот учун, Роберто Манчини Италия терма жамоаси бошқарувини шу йилнинг май ойида ўз қўлига олган эди.